10. дутийаапуттакасуттаван̣н̣ана̄

131. пин̣д̣апа̄тена̄ти сахайоге каран̣авачанам̣. пат̣ипа̄данам̣ тена саха йоджананти а̄ха ‘‘пин̣д̣апа̄тена саддхим̣ сам̣йоджеси, пин̣д̣апа̄там̣ ада̄сӣти аттхо’’ти. ‘‘пан̣ӣтабходжанам̣ бхун̃джитва̄’’ти вуттам̣, па̄л̣ийам̣ пана ‘‘кан̣а̄джакам̣ бхун̃джати билан̇гадутийа’’нти. там̣ там̣ паваттитам̣ йебхуййавасена вуттанти дат̣т̣хаббам̣. ида̄ни ‘‘имасса сет̣т̣хисса кассачи саман̣асса ва̄ бра̄хман̣асса ва̄ детха̄’’ти вачанам̣ на сутапуббам̣, йасма̄ паччекабуддха̄ на̄ма аттано гун̣а̄нубха̄вехи локе па̄кат̣а̄ сан̃джа̄та̄ ева хонти, тасма̄ сет̣т̣хибхарийа̄йа ‘‘на йасса ва̄ тасса ва̄’’тиа̄ди чинтитам̣. татха̄ хи тесам̣ дента̄пи саккаччам̣ йебхуййена пан̣ӣтамева денти. на̄са̄пут̣ам̣ пахари аттано а̄нубха̄вена. со луддхата̄йа ‘‘баху вата дхан̃н̃ам̣ мамасса̄’’ти читтам̣ сам̣йаметум̣ сандха̄ретум̣ асакконто.

виппат̣иса̄руппанна̄ка̄рам̣ дассетум̣ ‘‘варамета’’нтиа̄ди вуттам̣. ‘‘имасса саман̣асса пин̣д̣апа̄там̣ дехӣ’’ти вадато на ека̄йа ева джаванавӣтхийа̄ васена аттхасиддхи. атха кхо таттха а̄дито паваттаджаванава̄ропи аттхи маджджхе паваттаджаванава̄ропи, там̣ сандха̄йа̄ха ‘‘пуббапаччхимачетана̄васена̄’’ти. ека̄ четана̄ две пат̣исандхийо на детӣти еттха са̄кетапан̃хавасена ниччхайо ведитаббо. чуддасаннам̣ четана̄нам̣ пуббе пуретарам̣ кататта̄ пура̄н̣ам̣.

паригайхатӣти париггахоти а̄ха ‘‘париггахитам̣ ваттху’’нти. анва̄йа упанисса̄йа джӣвантӣти ануджӣвино. саббаметанти дханадхан̃н̃а̄дисаббам̣ етам̣ йатха̄вуттапариггахаваттхум̣. никкхиппага̄минанти никкхипитаббата̄га̄минам̣. никкхипитаббасабха̄вам̣ хотӣти а̄ха ‘‘никкхиппасабха̄ва’’нти. паха̄йа гаманӣйанти айаметтха аттхоти а̄ха ‘‘париччаджитаббасабха̄вамева̄’’ти.

дутийаапуттакасуттаван̣н̣ана̄ нит̣т̣хита̄.

дутийаваггаван̣н̣ана̄ нит̣т̣хита̄.