10. бандханасуттаван̣н̣ана̄

121. иданти ‘‘идха, бханте’’тиа̄дикам̣ вачанам̣. те бхиккхӯ а̄рочесунти самбандхо. тесӯти тесу ран̃н̃а̄ бандха̄питамануссесу. сукатака̄ран̣анти сука̄ран̣акирийам̣ а̄рочесум̣, на кевалам̣ тесам̣ манусса̄нам̣ бандха̄питабха̄вам̣. ида̄ни таматтхам̣ виттха̄рато дассетум̣ ‘‘ран̃н̃о кира̄’’тиа̄ди вуттам̣. ат̣т̣хаван̇коти ат̣т̣хам̣со. антогхарача̄риноти антепурава̄сино.

уккат̣т̣хети йуддхе. мантӣсӯти гуттамантӣсу. акутӯхаланти сан̃н̃атам̣. пийанти пийа̄йитаббам̣. аннапа̄намхи мадхуре абхутте уппанне. аттхети аттхе кичче джа̄те тхиранти на катхенти ка̄йабаламаттена апанетум̣ саккун̣еййатта̄. сут̣т̣ху раттаратта̄ти ативийа ратта̄ ева хутва̄ ратта̄. са̄раттена̄ти са̄рабха̄вена са̄рабха̄васан̃н̃а̄йа. оха̄ринанти хет̣т̣ха̄ харан̣асӣланти а̄ха ‘‘чатӯсу апа̄йесу а̄кад̣д̣ханака’’нти. ситхиланти ситхила̄ка̄рам̣, на пана ситхилам̣. тена̄ха бхагава̄ ‘‘дуппамун̃ча’’нти.

бандханасуттаван̣н̣ана̄ нит̣т̣хита̄.

пат̣хамаваггаван̣н̣ана̄ нит̣т̣хита̄.