10. гхат̣ӣка̄расуттаван̣н̣ана̄

50. ‘‘упапанна̄се’’ти се-ка̄ра̄гамам̣ катва̄ ниддесо, ‘‘упапанна̄’’иччева аттхоти а̄ха ‘‘ниббаттивасена упагата̄’’ти. аттано сампаттито авиха̄нато авиха̄, тесам̣ брахмалоко авиха̄брахмалоко, тасмим̣. упапаттисаманантарамева̄ти пат̣хамакот̣т̣ха̄се ева. арахаттапхалавимуттийа̄ти асеккхавимуттийа̄. секкхавимуттийа̄ пана авихӯпапаттито пагева вимутта̄. ма̄нусам̣ дехам̣ саматиккаманти читтупаккилесапаха̄навасена̄ти пхалена хетудассанамиданти а̄ха ‘‘ма̄нусам̣ деханти идха…пе… вутта̄нӣ’’ти. диви бхавам̣ диббам̣, брахматтабха̄васан̃н̃итам̣ кхандхапан̃чакам̣. таттха сам̣йоджанакоти вуттам̣ ‘‘диббам̣ йоганти пан̃ча уддхамбха̄гийасам̣йоджана̄нӣ’’ти. имасса̄ти девапуттасса. ‘‘хитва̄ ма̄нусам̣ дехам̣, диббайогам̣ упаччагу’’нти тесам̣ твам̣ кусалам̣ сабба̄ваджджаппаха̄нена анаваджджатам̣ бха̄сатӣти кусалӣ вадеси. аттхена саддасса абхедопача̄рам̣ катва̄ гамбхӣравачанам̣ вуттанти а̄ха ‘‘гамбхӣраттха’’нти аттхассева гамбхӣрато, на саддасса. самуччхиннака̄мара̄гата̄йа саббасо ка̄мависайаппаха̄нена нира̄мисабрахмача̄рӣ на̄ма ана̄га̄мӣ. нива̄санат̣т̣ха̄набхӯто сама̄но еко га̄мо етасса̄ти а̄ха ‘‘екага̄мава̄сӣ’’ти.

гхат̣ӣка̄расуттаван̣н̣ана̄ нит̣т̣хита̄.

а̄диттаваггаван̣н̣ана̄ нит̣т̣хита̄.