2. пхусатисуттаван̣н̣ана̄

22. каммам̣ апхусантанти каммапхассам̣ апхусантам̣, каммам̣ акаронтанти аттхо. випа̄ко на пхусатӣти випа̄капхассо на пхусати, випа̄ко на уппаджджатева ка̄ран̣асса абха̄вато. евам̣ бйатирекамукхена каммават̣т̣ена випа̄кават̣т̣ам̣ самбандхам̣ катва̄ аттхам̣ ватва̄ ида̄ни кевалам̣ каммават̣т̣авасена аттхам̣ ваданто ‘‘каммамева̄’’тиа̄дима̄ха. таттха на̄карото карийатӣти каммам̣ акуббато на кайирати, анабхисандхикатакаммам̣ на̄ма наттхӣти аттхо. ида̄ни тамеваттхам̣ анвайато дассетум̣ ‘‘пхусантан̃ча̄’’тиа̄ди вуттам̣. таттха татоти пхусанахету. сесам̣ вуттанайамева. вуттамеваттхам̣ сака̄ран̣ам̣ катва̄ паривет̣хитавасена вибхӯтам̣ катва̄ дассетум̣ ‘‘тасма̄ пхусанта’’нтиа̄ди вуттам̣. дхаммата̄ти ка̄ракассева каммавипа̄ка̄нубандхо, на̄ка̄ракасса̄ти айам̣ каммавипа̄ка̄нам̣ сабха̄во.

паччети упагаччхати анубандхати. па̄панти па̄пакам̣ каммам̣ пхалан̃ча. айан̃ча аттхо аран̃н̃е луддакасса уййоджана̄йа сунакхехи парива̄рийама̄насса бхиккхуно бхайена руккхам̣ а̄рул̣хасса чӣваре луддасса упари патите тасса сунакхехи кха̄дитва̄ ма̄ритаваттхуна̄ дӣпетабботи.

пхусатисуттаван̣н̣ана̄ нит̣т̣хита̄.