1.саттисуттаван̣н̣ана̄

21. десана̄сӣсанти десана̄падесалаккхан̣авачананти адхиппа̄йо. омат̣т̣хоти адхомукхам̣ катва̄ диннаппаха̄ро. имина̄ ева пасан̇гена паха̄ре вибха̄гато дассетум̣ ‘‘чатта̄ро хӣ’’тиа̄ди вуттам̣. упари т̣хатва̄ти хаттхиа̄дӣнам̣ упари т̣хатва̄. адхомукхам̣ диннаппаха̄роти кхаггакарава̄ла̄дӣнам̣ адхомукхам̣ катва̄ пахатапаха̄ро. уммат̣т̣хо вуттавипарийа̄йена ведитаббо. вивидхаппаха̄ро вимат̣т̣хо. ‘‘омат̣т̣хо гахито’’ти ватва̄ тассева гахан̣е ка̄ран̣ам̣ дассетум̣ ‘‘со хӣ’’тиа̄ди вуттам̣. дуггандхакимиа̄дӣнам̣ васена антодосо. ман̃чена саддхим̣ бандхитва̄ти йасмим̣ ман̃че ван̣икапуггало нипанно, таттха там̣ субандхам̣ катва̄ па̄дат̣т̣ха̄нам̣ уддхам̣ каронтехи сӣсат̣т̣ха̄нам̣ адхо ка̄таббам̣. тена̄ха ‘‘адхосиро ка̄таббо’’ти. париббаджети паваттеййа. са̄ пана паватти бха̄вана̄виха̄рена йутта̄ти а̄ха ‘‘вихареййа̄’’ти.

салласса уббаханам̣ саллуббаханам̣. аттхам̣ париттакам̣ гахетва̄ т̣хита̄ упама̄ка̄расса виккхамбханаппаха̄насса адхиппетатта̄. тена̄ха ‘‘пунаппуна’’нтиа̄ди. анубандхова хоти сати паччайе уппаджджана̄рахато девата̄йа ка̄мара̄гаппаха̄насса джотитатта̄. нану бхагавата̄ ана̄га̄мимаггена десана̄ нит̣т̣ха̄петабба̄ти? на, итарисса̄ н̃а̄н̣абала̄нурӯпадесана̄йа паваттетаббато. венеййаджджха̄сайа̄нукулан̃хи дхаммам̣ дхаммасса̄мӣ десетӣти.

саттисуттаван̣н̣ана̄ нит̣т̣хита̄.