4. кхаттийасуттаван̣н̣ана̄

14. кхеттато вива̄да̄ сатте та̄йатӣти кхаттийо. вадати девата̄ аттано аджджха̄сайавасена. двипада̄дӣнанти а̄ди-саддена чатуппадабхарийапутта̄ гахита̄. буддха̄дайоти а̄ди-саддена а̄джа̄нӣйасуссӯсабхарийассавапутта̄. двипада̄нам̣ сет̣т̣хоти еттха двипада̄нам̣ ева сет̣т̣хоти на̄йам̣ нийамо иччхито, сет̣т̣хо ева̄ти пана иччхито, тасма̄ самбуддхо двипадесу ан̃н̃есу таттха ча уппаджджанато сет̣т̣хо ева саббесампи уттаритарасса абха̄ватоти айаметтха аттхо. тена̄ха ‘‘уппаджджама̄но панеса̄’’тиа̄ди. ка̄ран̣а̄ка̄ран̣ам̣ а̄джа̄на̄тӣти а̄джа̄нӣйо. ган̣ха̄петха̄ти йатха̄ удако на темиссати, евам̣ ва̄л̣ам̣ ган̣ха̄петха. ‘‘асуссӯса̄’’ти кечи пат̣ханти. а̄сун̣ама̄ноти саппат̣иссаво хутва̄ вачанасампат̣иччхако.

кхаттийасуттаван̣н̣ана̄ нит̣т̣хита̄.