6. тӯлонаддхасиккха̄падаван̣н̣ана̄

чимиликам̣ паттхаритва̄ тӯлам̣ паккхипитва̄ти ман̃чапӣт̣ха̄нам̣ упари чимиликам̣ паттхаритва̄ тасса упари тӯлам̣ паккхипитва̄ти аттхо. упари чимилика̄йа̄ти упаримабха̄ге чимилика̄йа.

сӣсаппама̄н̣анти (чӯл̣ава. ат̣т̣ха. 297; са̄раттха. т̣ӣ. чӯл̣авагга 3.297) йаттха галава̄т̣акато пат̣т̣ха̄йа саббасӣсам̣ упадаханти, там̣ сӣсаппама̄н̣ам̣. тан̃ча уккат̣т̣хапариччхедато тирийам̣ мут̣т̣хиратанам̣ хоти, дӣгхато двиратананти дассетум̣ ‘‘йасса виттха̄рато тӣсу кон̣есӯ’’тиа̄дима̄ха. двиннам̣ антарам̣ видаттхи чатуран̇гулам̣ хотӣти двиннам̣ кон̣а̄нам̣ антарам̣ минийама̄нам̣ видаттхи чева чатуран̇гулан̃ча хоти. маджджхе мут̣т̣хиратананти биббоханасса маджджхам̣ тирийато мут̣т̣хиратанаппама̄н̣ам̣ хоти. айан̃хи сӣсаппама̄н̣асса уккат̣т̣хапариччхедо. тато уддхам̣ на ват̣т̣ати, хет̣т̣ха̄ ват̣т̣ати. агила̄насса сӣсӯпадха̄нан̃ча па̄дӯпадха̄нан̃ча̄ти двайамева ват̣т̣ати. гила̄насса биббохана̄ни сантхаритва̄ упари паччаттхаран̣ам̣ датва̄ нипаджджитумпи ват̣т̣ати.

тӯлонаддхасиккха̄падаван̣н̣ана̄ нит̣т̣хита̄.