3. вика̄лага̄маппавесанасиккха̄падаван̣н̣ана̄

ча̄риттети ча̄риттасиккха̄паде. упача̄ранти дутийалед̣д̣упа̄там̣. ан̃н̃ам̣ га̄мам̣ гаччханта̄нам̣ пуна а̄пуччханакиччам̣ наттхӣти усса̄хам̣ аппат̣иппассамбхетва̄ ан̃н̃ам̣ га̄мам̣ гаччханта̄нам̣ га̄масатампи хоту, пуна а̄пуччханакиччам̣ наттхӣти аттхо. тена̄ха ‘‘саче пана̄’’тиа̄ди. усса̄ханти га̄маппависанусса̄хам̣. антара̄ра̄ма̄дӣсу (па̄чи. ат̣т̣ха. 515) на кевалам̣ ана̄пуччха̄ гаччхантассева, ка̄йабандханам̣ абандхитва̄ сан̇гха̄т̣им̣ апа̄рупитва̄ гаччхантасса̄пи ана̄патти. а̄пада̄сӯти сӣхо ва̄ бйаггхо ва̄ а̄гаччхати, мегхо ва̄ ут̣т̣хети, ан̃н̃о ва̄ кочи упаддаво уппаджджати, ана̄патти. еварӯпа̄су а̄пада̄су бахига̄мато антога̄мам̣ пависитум̣ ват̣т̣ати.

вика̄лага̄маппавесанасиккха̄падаван̣н̣ана̄ нит̣т̣хита̄.