9. уккхиттасамбхогасиккха̄падаван̣н̣ана̄

аката̄нудхаммена̄ти уккхипитва̄ аноса̄ритена. тена̄ха ‘‘анудхаммо вуччатӣ’’тиа̄ди. еттха анудхаммоти оса̄ран̣а̄ вуччатӣти самбандхо. уккхепанӣйакаммасса̄нурӯпо, паччха̄ каттаббо ва̄ дхаммоти анудхаммо. ануломаваттам̣ дисва̄ти ‘‘на упасампа̄детаббам̣, на ниссайо да̄таббо’’тиа̄дикам̣ (чӯл̣ава. 70) ат̣т̣ха̄расавидхам̣ ваттам̣ дисва̄, етесу ат̣т̣ха̄расасу ануломаваттесу ваттантам̣ дисва̄ти адхиппа̄йо. а̄мисасамбхогам̣ ва̄ дхаммасамбхогам̣ ва̄ти еттха йам̣ кин̃чи а̄мисасса да̄нам̣, пат̣иггахан̣ан̃ча а̄мисасамбхого. дхаммасса уддисанам̣, уддиса̄панан̃ча дхаммасамбхого. сам̣васеййа̄ти ‘‘упосатхам̣ ва̄ пава̄ран̣ам̣ ва̄ сан̇гхакаммам̣ ва̄’’ти (па̄чи. 425) евам̣ падабха̄джанийам̣ вуттам̣ тивидхам̣ сам̣ва̄сам̣ кареййа. йасма̄ панеттха упосатхапава̄ран̣а̄пи сан̇гхехийева ка̄таббатта̄ сан̇гхакамма̄нийева хонти, тасма̄ ‘‘упосатха̄дикам̣ сан̇гхакаммам̣ кареййа̄’’ти вуттам̣. пайоге пайогети да̄не да̄не, гахан̣е гахан̣е ча̄ти аттхо.

пан̣н̣аттим̣ аджа̄нантена арахата̄пи кирийа̄бйа̄катачиттена а̄паджджитаббатта̄ ‘‘тичитта’’нти вуттам̣.

уккхиттасамбхогасиккха̄падаван̣н̣ана̄ нит̣т̣хита̄.