5. ӯнавӣсативассасиккха̄падаван̣н̣ана̄

габбхавӣсопи хи ‘‘парипун̣н̣авӣсо’’ твева сан̇кхам̣ гаччхатӣти а̄ха ‘‘пат̣исандхиггахан̣ато пат̣т̣ха̄йа̄’’тиа̄ди. таттха пат̣исандхиггахан̣ато пат̣т̣ха̄йа̄ти йам̣ ма̄тукуччхисмим̣ пат̣хамам̣ читтам̣ уппаннам̣ пат̣хамам̣ вин̃н̃а̄н̣ам̣ па̄тубхӯтам̣, там̣ а̄дим̣ катва̄. соти йо пуггало ӯнавӣсативассо упасампа̄дито, со пуггало. ан̃н̃ам̣ упасампа̄детӣти упаджджха̄йо ва̄ каммава̄ча̄чарийо ва̄ хутва̄ ан̃н̃ам̣ пуггалам̣ упасампа̄дети. танти ӯнавӣсативассам̣ пуггалам̣. сӣмам̣ ва̄ самманнатӣти навам̣ сӣмам̣ бандхати.

ӯнавӣсативассасиккха̄падаван̣н̣ана̄ нит̣т̣хита̄.