8. уййуттасена̄сиккха̄падаван̣н̣ана̄

чатуран̇гининти хаттхиассаратхапаттӣти чатта̄ри ан̇га̄ни етисса̄ти чатуран̇гинӣ, там̣ чатуран̇гиним̣. ‘‘два̄дасапурисо хаттхӣ, типурисо ассо, чатупурисо ратхо, чатта̄ро пуриса̄ сарахаттха̄ паттӣ’’ти (па̄чи. 314) айам̣ паччхимакот̣ийа̄ чатуран̇гасаманна̄гата̄ сена̄ на̄ма, ӣдисам̣ сенанти аттхо. там̣ пана виджахитва̄ти кеначи антарита̄ ва̄ ниннам̣ орул̣ха̄ ва̄ на диссати, идха т̣хатва̄на сакка̄ дат̣т̣хунти там̣ дассанӯпача̄рам̣ виджахитва̄ ан̃н̃ам̣ т̣ха̄нам̣ гантва̄.

сена̄дассанаваттхусминти сенам̣ дассана̄йа гаманаваттхусмим̣. айамева ва̄ па̄т̣хо. хаттхиа̄дӣсу екамеканти хаттхиа̄дӣсу чатӯсу ан̇гесу екамекам̣, антамасо екапуриса̄рул̣хахаттхимпи екампи сарахаттхам̣ пурисанти аттхо. ануййутта̄ на̄ма ра̄джа̄ уййа̄нам̣ ва̄ надим̣ ва̄ гаччхати, евам̣ ануййутта̄ хоти. татха̄рӯпаппаччайети ‘‘ма̄туло сена̄йа гила̄но хотӣ’’тиа̄дике (па̄чи. 312) анурӯпака̄ран̣е сати. а̄пада̄сӯти джӣвитабрахмачарийантара̄йесу ‘‘еттха гато муччисса̄мӣ’’ти гаччхато ана̄патти.

уййуттасена̄сиккха̄падаван̣н̣ана̄ нит̣т̣хита̄.