8. на̄ва̄бхируханасиккха̄падаван̣н̣ана̄

кӣл̣а̄пуреккха̄роти локасса̄дамиттасантхававасена кӣл̣а̄пуреккха̄ро. татхева̄ти кӣл̣а̄васенева. ага̄макатӣрапассена̄ти аддхайоджанаббхантаре га̄ма̄нам̣ абха̄вато ага̄макатӣрапассена. па̄л̣ийам̣ ‘‘уддхам̣га̄миним̣ ва̄ адхога̄миним̣ ва̄’’ти (па̄чи. 186) вачанато пана ва̄писамудда̄дӣсу кӣл̣а̄пуреккха̄рата̄йапи гаччхантасса ана̄патти. тена̄ха ‘‘самудде пана йатха̄сукхам̣ гантум̣ ват̣т̣атӣ’’ти. висан̇кетена̄ти идха̄пи ка̄лависан̇кетенева ана̄патти, титтхависан̇кетена, пана на̄ва̄висан̇кетена ва̄ гаччхантасса а̄паттийева.

сесанти саддхим̣ самут̣т̣ха̄на̄дӣхи авасесам̣, кечи пана ‘‘кӣл̣а̄пуреккха̄ро ‘сам̣видахитва̄’ти (са̄раттха. т̣ӣ. па̄читтийа 3.188) вачанато имам̣ сиккха̄падам̣ акусалачиттам̣ локаваджджам̣, тасма̄ сесам̣ на̄ма т̣хапетва̄ ‘пан̣н̣аттиваджджам̣ тичитта’нти идам̣ двайам̣ авасеса’’нти ваданти, там̣ на гахетаббам̣. кӣл̣а̄пуреккха̄рата̄йа хи абхирухитва̄пи га̄мантароккамане, аддхайоджана̄тиккаме ва̄ сам̣вегам̣ пат̣илабхитва̄ арахаттам̣ ва̄ саччхикареййа, ниддам̣ ва̄ оккамеййа, каммат̣т̣ха̄нам̣ ва̄ манаси каронто гаччхеййа, куто часса акусалачиттасаман̇гита̄, йенидам̣ сиккха̄падам̣ акусалачиттам̣, локаваджджан̃ча сийа̄ти.

на̄ва̄бхируханасиккха̄падаван̣н̣ана̄ нит̣т̣хита̄.