6. чӣварасиббанасиккха̄падаван̣н̣ана̄

сӯчим̣ павесетва̄ павесетва̄ нӣхаран̣ети а̄ра̄патхе а̄ра̄патхе па̄читтийам̣. ‘‘сиббисса̄мӣ’’ти пана вича̄рентасса, чхиндантасса̄пи дуккат̣ам̣. сатаккхаттумпи виджджхитва̄ саким̣ нӣхарантасса̄ти сакаласӯчим̣ анӣхаранто дӣгхасуттаппавесанаттхам̣ сатаккхаттумпи виджджхитва̄ саким̣ нӣхарантасса. ‘‘сибба̄’’ти вуттоти саким̣ ‘‘чӣварам̣ сибба̄’’ти вутто. нит̣т̣ха̄петӣти саббам̣ сӯчикаммам̣ парийоса̄пети. тасса а̄ра̄патхе а̄ра̄патхе па̄читтийанти а̄н̣аттасса сӯчим̣ павесетва̄ павесетва̄ нӣхаран̣е екамекам̣ па̄читтийам̣.

уда̄йиттхеранти ла̄л̣уда̄йиттхерам̣. вутталаккхан̣ам̣ сиббанам̣ ва̄ сибба̄панам̣ ва̄ти ‘‘сӯчим̣ павесетва̄’’тиа̄дина̄ вутталаккхан̣ам̣ сиббанам̣ ва̄ сибба̄панам̣ ва̄.

чӣварасиббанасиккха̄падаван̣н̣ана̄ нит̣т̣хита̄.