10. саппа̄н̣акасиккха̄падаван̣н̣ана̄

екасмим̣ гхат̣е ека̄ва а̄паттӣти екасмим̣ удакагхат̣е ека̄ва а̄патти. еса найо саббабха̄джанесу. виччхиндантасса̄ти дха̄рам̣ виччхиндантасса. екекам̣ паккхипантасса̄ти екекам̣ тин̣ам̣ ва̄ пан̣н̣ам̣ ва̄ маттикам̣ ва̄ ан̃н̃ам̣ ва̄ кат̣т̣хагомайа̄дим̣ паккхипантасса. парийа̄да̄нанти кхайам̣.

‘‘падӣпе (са̄раттха. т̣ӣ. па̄читтийа 3.140) патитва̄ пат̣ан̇га̄дипа̄н̣ака̄ мариссантӣ’’ти джа̄нантасса̄пи кусалачиттена падӣпуджджаланам̣ вийа ‘‘син̃чанена па̄н̣ака̄ мариссантӣ’’ти пуббабха̄ге джа̄нантасса̄пи ‘‘идам̣ джалам̣ син̃ча̄мӣ’’ти син̃чантасса вадхакачиттам̣ на хотӣти а̄ха ‘‘вина̄ вадхакачетана̄йа̄’’тиа̄ди. еван̃ча катва̄ ‘‘пан̣н̣аттиваджджа’’нти идампи саматтхитам̣ хоти. тичиттанти кусала̄кусала̄бйа̄катавасена тичиттам̣. татха̄ хи пан̣н̣аттим̣ маддитва̄ син̃чантасса ва̄ син̃ча̄пентасса ва̄ акусалачиттена хоти, ‘‘а̄санам̣ дховисса̄мӣ’’ти читтена дхованаттхам̣ син̃чантасса ва̄ син̃ча̄пентасса ва̄ кусалачиттена хоти, пан̣н̣аттим̣ аджа̄ната̄ арахата̄ син̃чана̄дикаран̣е абйа̄катачиттена хотӣти кусала̄кусала̄бйа̄катачиттавасена тичиттам̣ хоти.

саппа̄н̣акасиккха̄падаван̣н̣ана̄ нит̣т̣хита̄.

бхӯтага̄мавагго дутийо.