7. а̄макадхан̃н̃асиккха̄падаван̣н̣ана̄

тасма̄ти йасма̄ вин̃н̃атти чева бходжанан̃ча пама̄н̣ам̣, тасма̄. на кевалан̃четтха пат̣иггахан̣ейева дуккат̣ам̣ хоти, пат̣игган̣хитва̄ пана аран̃н̃ато а̄харан̣епи суккха̄панепи ваддалидивасе бхаджджанаттха̄йа уддханасаджджанепи капалласаджджанепи даббисаджджанепи да̄рӯни а̄да̄йа аггикаран̣епи капалламхи дхан̃н̃апаккхипанепи даббийа̄ сан̇гхат̣т̣анесупи кот̣т̣анаттхам̣ удуккхаламусала̄дисаджджанесупи кот̣т̣анапаппхот̣анадхована̄дӣсупи йа̄ва мукхе т̣хапетва̄ аджджхохаран̣аттхам̣ дантехи сан̇кха̄дати, та̄ва саббаппайогесу дуккат̣а̄нӣти а̄ха ‘‘пат̣иггахан̣ато пат̣т̣ха̄йа йа̄ва дантехи сам̣кха̄данам̣, та̄ва пуббаппайогесу дуккат̣а̄нӣ’’ти.

а̄макадхан̃н̃асиккха̄падаван̣н̣ана̄ нит̣т̣хита̄.