5. удакасуддхикасиккха̄падаван̣н̣ана̄

а̄да̄таббанти павесетаббам̣. аггапаббанти кесаггаматтампи аггапаббам̣. татийам̣ паббам̣ павесетӣти кесаггаматтампи татийам̣ паббам̣ павесети. вуттан̃хетам̣ самантапа̄са̄дика̄йам̣ (па̄чи. ат̣т̣ха. 812) ‘‘гамбхӣрато двиннам̣ пабба̄нам̣ упари кесаггаматтампи павесентийа̄ па̄читтийа’’нти.

атигамбхӣрам̣ удакасуддхикам̣ а̄дийанаваттхусминти атианто павесетва̄ удакадхованакаран̣аваттхусмим̣. удакасуддхипаччайена (са̄раттха. т̣ӣ. па̄читтийа 3.812) пана сатипи пхассасса̄дийане йатха̄вуттапариччхеде ана̄патти.

удакасуддхикасиккха̄падаван̣н̣ана̄ нит̣т̣хита̄.