3. випа̄каттикаван̣н̣ана̄

1-23. випа̄каттике випа̄кадхаммам̣ пат̣ичча̄ти випа̄кам̣ дхаммам̣ пат̣ичча. сама̄сенапи хи сойеваттхо вуттоти па̄л̣ийам̣ сама̄сам̣ катва̄ ликхитам̣.

24-52. ‘‘невавипа̄канавипа̄кадхаммадхаммам̣ пат̣ичча невавипа̄канавипа̄кадхаммадхаммо уппаджджати навипа̄капаччайа̄’’ти етасса вибхан̇ге ‘‘маха̄бхӯте пат̣ичча читтасамут̣т̣ха̄нам̣ рӯпам̣ упа̄да̄рӯпа’’нти еттакамева вуттам̣, на вуттам̣ ‘‘кат̣атта̄рӯпа’’нти. там̣ кхандхе пат̣ичча уппаджджама̄насса маха̄бхӯте пат̣ичча уппаттидассанаттхатта̄ на вуттам̣. на хеттха кат̣атта̄рӯпасса кхандхе пат̣ичча уппатти аттхи, йасса маха̄бхӯте пат̣ичча уппатти ваттабба̄ сийа̄. паваттийам̣ пана кат̣атта̄рӯпам̣ ‘‘асан̃н̃асатта̄нам̣…пе… маха̄бхӯте пат̣ичча кат̣атта̄рӯпам̣ упа̄да̄рӯпа’’нти етенева дасситам̣ хоти. еван̃ча катва̄ асан̃н̃асатта̄нам̣ рӯпасама̄нагатикатта̄ на̄ха̄рапаччайе ча паваттийам̣ кат̣атта̄рӯпам̣ на уддхат̣ам̣. тампи хи уппа̄даккхан̣е а̄ха̄рапаччайена вина̄ уппаджджатӣти уддхаритаббам̣ сийа̄ти.

випа̄каттикаван̣н̣ана̄ нит̣т̣хита̄.