1. анусайава̄раван̣н̣ана̄

3. анусети уппаджджатӣти паччуппаннавоха̄ра̄ паватта̄вира̄мавасена ведитабба̄. маггенева хи анусайа̄нам̣ вира̄мо виччхедо хоти, на тато пуббети.

20. на̄пи екасмим̣ т̣ха̄не уппаджджанти, на екам̣ дхаммам̣ а̄рамман̣ам̣ каронтӣти еттха пуримена екасмим̣ читтуппа̄де уппатти нива̄рита̄, паччхимена екасмим̣ а̄рамман̣ети айам̣ висесо. пуггалока̄сава̄расса пат̣иломе тесам̣ тесам̣ пуггала̄нам̣ тасса тасса анусайасса ананусайанат̣т̣ха̄нам̣ пакатийа̄ паха̄нена ча ведитаббам̣, ‘‘тин̣н̣ам̣ пуггала̄нам̣ дуккха̄йа ведана̄йа тесам̣ таттха ка̄мара̄га̄нусайо на̄нусети, но ча тесам̣ таттха пат̣игха̄нусайо на̄нусети, тесан̃н̃ева пуггала̄нам̣ рӯпадха̄туйа̄ арӯпадха̄туйа̄ апарийа̄панне тесам̣ таттха ка̄мара̄га̄нусайо ча на̄нусети, пат̣игха̄нусайо ча на̄нусетӣ’’ти пакатийа̄ дуккха̄дӣнам̣ ка̄мара̄га̄дӣнам̣ ананусайат̣т̣ха̄натам̣ сандха̄йа вуттам̣, ‘‘двиннам̣ пуггала̄нам̣ саббаттха ка̄мара̄га̄нусайо ча на̄нусети, пат̣игха̄нусайо ча на̄нусетӣ’’ти (йама. 2.анусайайамака.56) анусайаппаха̄нена. еттха пуриманайена ока̄сам̣ авеккхитва̄ пуггаласса виджджама̄на̄нам̣ анусайа̄нам̣ ананусайанам̣ вуттам̣, паччхиманайена пуггалам̣ авеккхитва̄ ока̄сасса ка̄мадха̄туа̄дикасса анока̄сата̄ти.

анусайава̄раван̣н̣ана̄ нит̣т̣хита̄.