327. ка̄каватӣджа̄такам̣ (4-3-7)

105. ва̄ти ча̄йам̣ [ва̄йам̣ (ка.)] тато гандхо, йаттха ме васатӣ пийа̄;

дӯре ито хи ка̄каватӣ [ка̄ка̄тӣ (сӣ.), ка̄ка̄ти (сйа̄. пӣ.)], йаттха ме нирато мано.

106. катхам̣ самуддаматарӣ, катхам̣ атари кепукам̣ [кебукам̣ (сӣ. пӣ.)];

катхам̣ сатта самудда̄ни, катхам̣ симбалима̄рухи.

107. тайа̄ самуддаматарим̣, тайа̄ атари кепукам̣ [кебукам̣ (сӣ. пӣ.)];

тайа̄ сатта самудда̄ни, тайа̄ симбалима̄рухим̣.

108. дхираттхумам̣ маха̄ка̄йам̣, дхираттхумам̣ ачетанам̣;

йаттха джа̄йа̄йахам̣ джа̄рам̣, а̄ваха̄ми ваха̄ми ча̄ти.

ка̄каватӣджа̄такам̣ саттамам̣.