328. ананусочийаджа̄такам̣ (4-3-8)

109. бахӯнам̣ виджджатӣ бхотӣ, техи ме ким̣ бхависсати;

тасма̄ етам̣ на соча̄ми, пийам̣ саммиллаха̄синим̣.

110. там̣ там̣ че анусочеййа, йам̣ йам̣ тасса на виджджати;

атта̄наманусочеййа, сада̄ маччувасам̣ патам̣.

111. на хева т̣хитам̣ на̄сӣнам̣, на сайа̄нам̣ на паддхагум̣ [паттхагум̣ (сйа̄.)];

йа̄ва бйа̄ти нимисати, татра̄пи расатӣ [саратӣ (сӣ. сйа̄. пӣ.)] вайо.

112. таттхаттани ватаппаддхе [вата пантхе (сйа̄.), вата бандхе (ка.) вата + па-аддхе = ватаппаддхе], вина̄бха̄ве асам̣сайе;

бхӯтам̣ сесам̣ дайитаббам̣, вӣтам̣ ананусочийанти [чавитам̣ на̄нусочийанти (сйа̄.), матантам̣ на̄нусочийам̣ (ка.)].

ананусочийаджа̄такам̣ ат̣т̣хамам̣.