300. вакаджа̄такам̣ (3-5-10)

148. парапа̄н̣ародха̄ [парапа̄н̣агха̄те (сйа̄.), парапа̄н̣арочам̣ (ка.)] джӣванто, мам̣салохитабходжано;

вако ватам̣ сама̄да̄йа, упападжджи упосатхам̣.

149. тасса сакко ватан̃н̃а̄йа, аджарӯпенупа̄гами;

вӣтатапо аджджхаппатто, бхан̃джи лохитапо тапам̣.

150. евамева идхекачче, сама̄да̄намхи дуббала̄;

лахум̣ каронти атта̄нам̣, вакова аджака̄ран̣а̄ти.

вакаджа̄такам̣ дасамам̣.

кумбхавагго пан̃чамо.

тассудда̄нам̣ –

варакумбха супаттасиривхайано, сучисаммата биндусаро чусабхо;

саритам̣пати чан̣д̣и джара̄капина̄, атха маккат̣ийа̄ вакакена даса̄ти.

атха ваггудда̄нам̣ –

сан̇каппо падумо чева, удапа̄нена татийам̣;

аббхантарам̣ гхат̣абхедам̣, тиканипа̄тамхилан̇катанти.

тиканипа̄там̣ нит̣т̣хитам̣.