3. паха̄насуттаван̣н̣ана̄

251. татийе аччхеччхи тан̣ханти саббампи тан̣хам̣ чхинди самуччхинди. виваттайи сам̣йоджананти дасавидхампи сам̣йоджанам̣ париваттайи ниммӯлакамака̄си. самма̄ти хетуна̄ ка̄ран̣ена. ма̄на̄бхисамайа̄ти ма̄насса дассана̄бхисамайа̄, паха̄на̄бхисамайа̄ ча. арахаттамагго хи киччавасена ма̄нам̣ сампассати, айамасса дассана̄бхисамайо. тена дит̣т̣хо пана со та̄вадева пахӣйати, дит̣т̣хависена дит̣т̣хасатта̄нам̣ джӣвитам̣ вийа. айамасса паха̄на̄бхисамайо.

антамака̄си дуккхасса̄ти евам̣ арахаттамаггена ма̄насса дит̣т̣хатта̄ ча пахӣнатта̄ ча йе име ‘‘ка̄йабандханасса анто джӣрати (чӯл̣ава. 278) харитантам̣ ва̄’’ти (ма. ни. 1.304) евам̣ вуттаантимамарийа̄данто ча, ‘‘антамидам̣, бхиккхаве, джӣвика̄на’’нти (итиву. 91; сам̣. ни. 3.80) евам̣ вуттала̄маканто ча, ‘‘сакка̄йо еко анто’’ти (а. ни. 6.61; чӯл̣ани. тиссаметтеййама̄н̣авапуччха̄ниддеса 11) евам̣ вуттакот̣т̣ха̄санто ча, ‘‘есеванто дуккхасса саббапаччайасан̇кхайа̄’’ти (сам̣ ни. 2.51; 2.4.71; уда̄. 71) евам̣ вуттакот̣анто ча̄ти чатта̄ро анта̄, тесу саббассева ват̣т̣адуккхасса адум̣ чатуттхакот̣исан̇кха̄там̣ антамака̄си, париччхедам̣ париват̣умам̣ ака̄си, антимасамуссайаматта̄васесам̣ дуккхамака̄сӣти вуттам̣ хоти.

сампаджан̃н̃ам̣ на рин̃чатӣти сампаджан̃н̃ам̣ на джахати. сан̇кхйам̣ нопетӣти ратто дут̣т̣хо мӯл̣хоти пан̃н̃аттим̣ на упети, там̣ пан̃н̃аттим̣ паха̄йа кхӣн̣а̄саво на̄ма хотӣти аттхо. имасмим̣ сутте а̄рамман̣а̄нусайо катхито.