4. па̄та̄ласуттаван̣н̣ана̄

252. чатуттхе па̄та̄лоти па̄тасса алам̣ парийатто, наттхи еттха патит̣т̣ха̄ти па̄та̄ло. асантам̣ авиджджама̄нанти асамбхӯтаттам̣ апан̃н̃а̄йама̄наттам̣. евам̣ ва̄чам̣ бха̄сатӣти аттхи маха̄самудде па̄та̄лоти евам̣ ва̄чам̣. со хи йам̣ там̣ балава̄мукхам̣ маха̄самуддасса удакам̣ вегена паккхандитва̄ чаккава̄л̣ам̣ ва̄ синерум̣ ва̄ а̄хачча йоджанадвийоджанадасайоджанаппама̄н̣ампи уггантва̄ пуна маха̄самудде патати, йасса патитат̣т̣ха̄не маха̄наракапапа̄то вийа хоти, йам̣ локе балава̄мукханти вуччати. там̣ сандха̄йа евам̣ вадати.

йасма̄ пана таттха татха̄рӯпа̄нам̣ маччхакаччхападевада̄нава̄нам̣ патит̣т̣ха̄пи хоти сукханива̄сопи, тасма̄ асантам̣ асам̣виджджама̄нам̣ там̣ там̣ ва̄чам̣ бха̄сати на̄ма. йасма̄ пана саббапутхуджджана̄ са̄рӣрика̄йа дуккхаведана̄йа патит̣т̣ха̄тум̣ на сакконти, тасма̄ па̄тасса аланти аттхена айамева па̄та̄лоти дассенто са̄рӣрика̄нам̣ кхо етам̣ бхиккхаветиа̄дима̄ха.

па̄та̄ле на паччут̣т̣ха̄сӣти па̄та̄ласмим̣ на патит̣т̣ха̄си. га̄дханти патит̣т̣хам̣. аккандатӣти анибаддхам̣ виппала̄пам̣ вилапанто кандати. дуббалоти дуббалан̃а̄н̣о. аппатха̄макоти н̃а̄н̣атха̄масса париттата̄йа париттатха̄мако. имасмим̣ сутте арийаса̄вакоти сота̄панно. сота̄панно хи еттха дхурам̣, балававипассако на тиккхабуддхи уппаннам̣ веданам̣ анануваттитва̄ патит̣т̣ха̄тум̣ саматтхо йога̄вачаропи ват̣т̣ати.