14. локава̄дапат̣исам̣йуттадит̣т̣хиниддесаван̣н̣ана̄

147. атта̄ ча локо ча̄ти со ева атта̄ ча а̄локанат̣т̣хена локо ча̄ти аттхо. сассатоти сассатава̄да̄нам̣ дит̣т̣хи. асассатоти уччхедава̄да̄нам̣. сассато ча асассато ча̄ти екаччасассатика̄нам̣. нева сассато на̄сассатоти амара̄виккхепика̄нам̣. антава̄ти париттакасин̣ала̄бхӣнам̣ таккика̄нан̃ча ниган̣т̣ха̄джӣвика̄нан̃ча. атха ва̄ уччхедава̄дино ‘‘сатто джа̄тийа̄ пуббантава̄, маран̣ена апарантава̄’’ти ваданти. адхиччасамуппанника̄ ‘‘сатто джа̄тийа̄ пуббантава̄’’ти ваданти. анантава̄ти аппама̄н̣акасин̣ала̄бхӣнам̣. сассатава̄дино пана ‘‘пуббанта̄паранта̄ наттхи, тена анантава̄’’ти ваданти. адхиччасамуппанника̄ ‘‘апарантена анантава̄’’ти ваданти.

антава̄ ча анантава̄ ча̄ти уддхамадхо авад̣д̣хитва̄ тирийам̣ вад̣д̣хитакасин̣а̄нам̣. нева антава̄ на анантава̄ти амара̄виккхепика̄нам̣.

локава̄дапат̣исам̣йуттадит̣т̣хиниддесаван̣н̣ана̄ нит̣т̣хита̄.