4-8. саттабодхисаттава̄ра̄диван̣н̣ана̄

33-37. саттаннам̣ бодхисатта̄нам̣ суттантесу екекасмим̣йева самудайе чаккха̄дайо пан̃ча, ниродхе пан̃ча̄ти даса дхамма̄, самудайе дассанат̣т̣ха̄дайо пан̃ча, ниродхе пан̃ча̄ти даса аттха̄, тесам̣ васена вӣсати нируттийо чатта̄рӣсам̣ н̃а̄н̣а̄ни. сатта екато катва̄ вуттаган̣ана̄ сувин̃н̃еййа̄ ева. саббан̃н̃утан̃н̃а̄н̣авасена вуттапат̣исамбхида̄ниддесе екекамӯлакесу ‘‘н̃а̄то дит̣т̣хо видито саччхикато пхассито пан̃н̃а̄йа̄’’ти (пат̣и. ма. 1.121) имесу пан̃часу вачанесу екекасмим̣йева чаккха̄дайо пан̃ча, дассанат̣т̣ха̄дайо пан̃ча̄ти пан̃чапан̃чака̄нам̣ васена пан̃чавӣсати дхамма̄, пан̃чавӣсати аттха̄, таддигун̣а̄ нируттийо, таддигун̣а̄ни н̃а̄н̣а̄ни н̃еййа̄ни. пан̃ча екато катва̄ вуттава̄репи пан̃чаккхаттум̣ пан̃ча пан̃чавӣсати катва̄ пан̃чавӣсасатам̣ дхамма̄, пан̃чавӣсасатам̣ аттха̄, таддигун̣а̄ нируттийо, таддигун̣а̄ни н̃а̄н̣а̄ни н̃еййа̄ни. ад̣д̣хатеййа̄нӣти четтха две сата̄ни ча пан̃н̃а̄сан̃ча. кхандха̄дӣсупи есева найо. имина̄ва найена саччава̄рапат̣исамбхида̄ва̄ре ча дхамма̄диган̣ана̄ ведитабба̄.