9. чхабуддхадхаммава̄раван̣н̣ана̄

38. буддхадхаммава̄ре дийад̣д̣хасатанти чхаккхаттум̣ пан̃чавӣсати сатан̃ча пан̃н̃а̄сан̃ча хонти, таддигун̣а̄ нируттийо таддигун̣а̄ни н̃а̄н̣а̄ни. пат̣исамбхида̄дхикаран̣ети пат̣исамбхида̄дхика̄ре. ад̣д̣ханавадхаммасата̄нӣти пат̣хамам̣ вуттесу чатӯсу саччесу сат̣т̣хи, чатӯсу сатипат̣т̣ха̄несу сат̣т̣хи, чатӯсу саммаппадха̄несу сат̣т̣хи, саттабодхисаттавеййа̄каран̣есу саттати, абхин̃н̃ат̣т̣ха̄дӣсу пан̃часу пан̃чавӣсасатам̣, кхандхат̣т̣ха̄дӣсу пан̃часу пан̃чавӣсасатам̣, пуна чатӯсу арийасаччесу сатам̣, чатӯсу пат̣исамбхида̄су сатам̣, чхасу буддхадхаммесу дийад̣д̣хасатанти евам̣ ат̣т̣хасата̄ни ча пан̃н̃а̄сан̃ча дхамма̄ хонти. евам̣ аттха̄пи таттака̄ ева хонти. евамева сачча̄дӣсу тӣсу т̣ха̄несу вӣсасатам̣ нируттийо, саттасу веййа̄каран̣есу чатта̄рӣсасатам̣ нируттийо, абхин̃н̃ат̣т̣ха̄дӣсу кхандхат̣т̣ха̄дӣсу ча ад̣д̣хатеййа̄ни ад̣д̣хатеййа̄ни нируттисата̄ни, арийасаччесу пат̣исамбхида̄су ча две две нируттисата̄ни, буддхадхаммесу тӣн̣и нируттисата̄нӣти евам̣ нируттисахассан̃ча саттанируттисата̄ни ча хонти. евамева сачча̄дӣсу тӣсу т̣ха̄несу чатта̄рӣса̄дхика̄ни две две н̃а̄н̣асата̄ни, саттасу веййа̄каран̣есу асӣтиадхика̄ни две н̃а̄н̣асата̄ни, абхин̃н̃ат̣т̣ха̄дӣсу кхандхат̣т̣ха̄дӣсу ча пан̃чапан̃чан̃а̄н̣асата̄ни, саччесу пат̣исамбхида̄су ча чатта̄ри чатта̄ри н̃а̄н̣асата̄ни, буддхадхаммесу чха н̃а̄н̣асата̄нӣти евам̣ тӣн̣и ча н̃а̄н̣асахасса̄ни чатта̄ри ча н̃а̄н̣асата̄ни хонтӣти.

пат̣исамбхида̄катха̄ван̣н̣ана̄ нит̣т̣хита̄.