8. саддасан̃н̃акаттхераапада̄наван̣н̣ана̄

паббате химавантамхӣтиа̄дикам̣ а̄йасмато саддасан̃н̃акаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто пхуссасса бхагавато ка̄ле екасмим̣ кулагехе ниббатто вуддхиппатто саддха̄джа̄то та̄пасапаббаджджам̣ паббаджитва̄ химавантамхи аран̃н̃а̄ва̄се васанто аттано анукампа̄йа упагатасса бхагавато дхаммам̣ сутва̄ дхаммесу читтам̣ паса̄детва̄ йа̄вата̄йукам̣ т̣хатва̄ апарабха̄ге ка̄лам̣ катва̄ тусита̄дӣсу чхасу ка̄ма̄вачарасампаттийо ча мануссесу мануссасампаттийо ча анубхавитва̄ имасмим̣ буддхуппа̄де екасмим̣ кулагехе ниббатто вуддхиманва̄йа саддха̄джа̄то паббаджитва̄ випассанам̣ вад̣д̣хетва̄ арахаттам̣ па̄пун̣и.

43. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто паббате химавантамхӣтиа̄дима̄ха. там̣ саббам̣ утта̄наттхамева̄ти.

саддасан̃н̃акаттхераапада̄наван̣н̣ана̄ саматта̄.