5. рам̣сисан̃н̃акаттхераапада̄наван̣н̣ана̄

паббате химавантамхӣтиа̄дикам̣ а̄йасмато рам̣сисан̃н̃акаттхерасса апада̄нам̣. айампи пуримабуддхесу ката̄дхика̄ро тесу тесу бхавесу виват̣т̣ӯпаниссайа̄ни пун̃н̃а̄ни упачинанто випассисса бхагавато ка̄ле кулагехе ниббатто вуддхиманва̄йа гхара̄ва̄сам̣ сан̣т̣хапетва̄ ка̄месу а̄дӣнавам̣ дисва̄ гхара̄ва̄сам̣ паха̄йа та̄пасапаббаджджам̣ паббаджитва̄ аджиначаммадхаро химавантамхи ва̄сам̣ каппеси. тасмим̣ самайе випассӣ бхагава̄ химавантамагама̄си. атха со та̄пасо тамупагатам̣ бхагавантам̣ дисва̄ тасса бхагавато сарӣрато никкхантачхаббан̣н̣абуддхарам̣сӣсу пасӣдитва̄ ан̃джалим̣ паггайха пан̃чан̇гена намакка̄рамака̄си. со тенева пун̃н̃ена ито чуто тусита̄дӣсу диббасампаттийо анубхавитва̄ апарабха̄ге мануссасампаттийо ча анубхавитва̄ имасмим̣ буддхуппа̄де кулагехе ниббатто вуддхиманва̄йа гхара̄ва̄сам̣ сан̣т̣хапетва̄ таттха̄дӣнавам̣ дисва̄ гехам̣ паха̄йа паббаджитва̄ начирассева араха̄ ахоси.

30. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто паббате химавантамхӣтиа̄дима̄ха. таттха паббатети пака̄рена брӯхати вад̣д̣хетӣти паббато, химо асса аттхӣти химаванто, химаванто ча со паббато ча̄ти химавантапаббато. химавантапаббатети ваттаббе га̄тха̄вачанасукхаттхам̣ ‘‘паббате химавантамхӣ’’ти вуттам̣. тасмим̣ химавантамхи паббате ва̄сам̣ каппесим̣ пуре аханти самбандхо. сесам̣ саббаттха найа̄нуса̄рена утта̄намева̄ти.

рам̣сисан̃н̃акаттхераапада̄наван̣н̣ана̄ саматта̄.