10. падумапуппхийаттхераапада̄наван̣н̣ана̄

поккхараванам̣ павит̣т̣хотиа̄дикам̣ а̄йасмато падумапуппхийаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто пхуссасса бхагавато ка̄ле екасмим̣ кулагехе ниббатто вуддхиманва̄йа падумасампаннам̣ екам̣ поккхаран̣им̣ пависитва̄ бхисамул̣а̄ле кха̄данто поккхаран̣ийа̄ авидӯре гаччхама̄нам̣ пхуссам̣ бхагавантам̣ дисва̄ пасаннама̄насо тато падума̄ни очинитва̄ а̄ка̄се уккхипитва̄ бхагавантам̣ пӯджеси, та̄ни пуппха̄ни а̄ка̄се вита̄нам̣ хутва̄ ат̣т̣хам̣су. со бхиййосоматта̄йа пасаннама̄насо паббаджитва̄ ваттапат̣ипаттиса̄ро саман̣адхаммам̣ пӯретва̄ тато чуто туситабхаванамалам̣ курума̄но вийа таттха уппаджджитва̄ камена чха ка̄ма̄вачарасампаттийо ча мануссасампаттийо ча анубхавитва̄ имасмим̣ буддхуппа̄де кулагехе ниббатто вуддхиппатто саддха̄джа̄то паббаджитва̄ начирассева араха̄ ахоси.

51. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто поккхараванам̣ павит̣т̣хотиа̄дима̄ха. таттха пака̄рена нал̣адан̣д̣апатта̄дӣхи кхарантӣти поккхара̄, поккхара̄нам̣ самут̣т̣хитат̣т̣хена самӯханти поккхараванам̣, падумагаччхасан̣д̣ехи ман̣д̣итам̣ маджджхам̣ павит̣т̣хо аханти аттхо. сесам̣ саббаттха утта̄намева̄ти.

падумапуппхийаттхераапада̄наван̣н̣ана̄ саматта̄.

навамаваггаван̣н̣ана̄ саматта̄.