7. сӯчида̄йакаттхераапада̄наван̣н̣ана̄

тим̣сакаппасахассамхӣтиа̄дикам̣ а̄йасмато сӯчида̄йакаттхерасса апада̄нам̣. айампи пуримаджинаваресу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто сумедхасса бхагавато ка̄ле екасмим̣ кулагехе ниббатто вуддхиманва̄йа бхагавато чӣваракаммам̣ ка̄тум̣ пан̃ча сӯчийо ада̄си. со тена пун̃н̃ена девамануссесу пун̃н̃аманубхавитва̄ вичаранто уппаннуппаннабхаве тиккхапан̃н̃о хутва̄ па̄кат̣о имасмим̣ буддхуппа̄де екасмим̣ кулагехе ниббатто вуддхиманва̄йа саттхари пасӣдитва̄ паббаджанто тиккхапан̃н̃ата̄йа кхураггейева арахаттам̣ па̄пун̣и.

30. со апарабха̄ге пун̃н̃ам̣ паччавеккханто там̣ дисва̄ соманассаджа̄то пуббачарита̄пада̄нам̣ пака̄сенто тим̣сакаппасахассамхӣтиа̄дима̄ха. антарантарам̣ панеттха сувин̃н̃еййамева.

31. пан̃часӯчӣ майа̄ динна̄ти еттха сӯчати чхиддам̣ кароти виджджхатӣти сӯчи, пан̃чаматта̄ сӯчӣ пан̃часӯчӣ майа̄ динна̄ти аттхо. сесам̣ сувин̃н̃еййамева̄ти.

сӯчида̄йакаттхераапада̄наван̣н̣ана̄ саматта̄.