5. екасан̃н̃акаттхераапада̄наван̣н̣ана̄

кхан̣д̣о на̄ма̄си на̄мена̄тиа̄дикам̣ а̄йасмато екасан̃н̃акаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто випассисса бхагавато ка̄ле кулагехе ниббатто вин̃н̃утам̣ патто ратанаттайе пасаннама̄насо тасса саттхуно кхан̣д̣ам̣ на̄ма аггаса̄вакам̣ бхиккха̄йа чарама̄нам̣ дисва̄ саддахитва̄ пин̣д̣апа̄тамада̄си. со тена пун̃н̃акаммена девамануссасампаттийо анубхавитва̄ имасмим̣ буддхуппа̄де са̄ваттхийам̣ екасмим̣ кулагехе ниббатто вин̃н̃утам̣ патто саттху дхаммадесанам̣ сутва̄ пат̣иладдхасаддхо паббаджитва̄ начирассева араха̄ ахоси. со екадивасам̣ пин̣д̣апа̄тасса сан̃н̃ам̣ манасикаритва̄ пат̣иладдхависесатта̄ екасан̃н̃акаттхероти па̄кат̣о.

18. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто кхан̣д̣о на̄ма̄си на̄мена̄тиа̄дима̄ха. таттха тасса аггаса̄вакаттхерасса килеса̄нам̣ кхан̣д̣итатта̄ кхан̣д̣оти на̄мам̣. сесам̣ саббаттха утта̄намева̄ти.

екасан̃н̃акаттхераапада̄наван̣н̣ана̄ саматта̄.