4. бхиса̄лувада̄йакаттхераапада̄наван̣н̣ана̄

ка̄нанам̣ ванамоггайха̄тиа̄дикам̣ а̄йасмато бхиса̄лувада̄йакаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто випассисса бхагавато ка̄ле химавантасса самӣпе аран̃н̃а̄ва̄се васанто ванамӯлапхала̄ха̄ро вивекавасена̄гатам̣ випассим̣ бхагавантам̣ дисва̄ пасаннама̄насо пан̃чабхиса̄луве ада̄си. бхагава̄ тасса читтам̣ паса̄детум̣ пассантассева парибхун̃джи. со тена читтаппаса̄дена ка̄лам̣ катва̄ тусита̄дӣсу сампаттиманубхавитва̄ паччха̄ мануссасампаттин̃ча анубхавитва̄ имасмим̣ буддхуппа̄де екасмим̣ кулагехе ниббатто вибхавасампаттим̣ патто там̣ паха̄йа са̄сане паббаджито начирассева арахаттам̣ па̄пун̣и.

13. со тато аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто ка̄нанам̣ ванамоггайха̄тиа̄дима̄ха. там̣ хет̣т̣ха̄ вуттаттхамева. васа̄ми випине аханти вивекава̄со ахам̣ васа̄мӣти самбандхо. сесам̣ утта̄наттхамева̄ти.

бхиса̄лувада̄йакаттхераапада̄наван̣н̣ана̄ саматта̄.

чхат̣т̣хабха̄н̣ава̄раван̣н̣ана̄ нит̣т̣хита̄.