2. падасан̃н̃акаттхераапада̄наван̣н̣ана̄

аккантан̃ча падам̣ дисва̄тиа̄дикам̣ а̄йасмато падасан̃н̃акаттхерасса апада̄нам̣. айампи пуримабуддхесу ката̄дхика̄ро уппаннуппаннабхаве виват̣т̣ӯпаниссайа̄ни пун̃н̃а̄ни упачинанто тиссасса бхагавато ка̄ле екасмим̣ саддха̄сампанне упа̄сакагехе ниббатто вин̃н̃утам̣ патто ратанаттайе пасанно бхагавата̄ тасса анукампа̄йа дасситам̣ падачетийам̣ дисва̄ пасанно ломахат̣т̣хаджа̄то ванданапӯджана̄дибахума̄намака̄си. со тенева сукхетте сукатена пун̃н̃ена тато чуто сагге ниббатто таттха диббасукхаманубхавитва̄ апарабха̄ге мануссесу джа̄то мануссасампаттим̣ саббаманубхавитва̄ имасмим̣ буддхуппа̄де вибхавасампаннакуле ниббатто вуддхиманва̄йа саддха̄джа̄то паббаджитва̄ начирассева араха̄ ахоси, пура̄катапун̃н̃ана̄мена падасан̃н̃акаттхероти па̄кат̣о.

5. со екадивасам̣ аттано пуббакаммам̣ саритва̄ пуббачарита̄пада̄нам̣ пака̄сенто аккантан̃ча падам̣ дисва̄тиа̄дима̄ха. таттха аккантанти аккамитам̣ дасситам̣. саббабуддха̄нам̣ саббада̄ чатуран̇гулопарийева гаманам̣, айам̣ пана тасса саддха̄сампаннатам̣ н̃атва̄ ‘‘есо имам̣ пассатӯ’’ти падачетийам̣ дассеси, тасма̄ со тасмим̣ пасӣдитва̄ ванданапӯджана̄дисакка̄рамака̄сӣти аттхо. сесам̣ саббаттха утта̄наттхамева̄ти.

падасан̃н̃акаттхераапада̄наван̣н̣ана̄ саматта̄.