10. типадумийаттхераапада̄наван̣н̣ана̄

падумуттаро на̄ма джинотиа̄дикам̣ а̄йасмато типадумийаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто падумуттарасса бхагавато ка̄ле хам̣саватийам̣ ма̄ла̄ка̄ракулагехе ниббатто вуддхиппатто ма̄ла̄ка̄ракаммам̣ катва̄ васанто екадивасам̣ анекавидха̄ни джаладжатхаладжапуппха̄ни гахетва̄ ран̃н̃о сантикам̣ гантука̄мо евам̣ чинтеси – ‘‘ра̄джа̄ има̄ни та̄ва пуппха̄ни дисва̄ пасанно сахассам̣ ва̄ дханам̣ га̄ма̄дикам̣ ва̄ дадеййа, локана̄тхам̣ пана пӯджетва̄ нибба̄на̄матадханам̣ лабха̄ми, ким̣ ме етесу сундара’’нти тена ‘‘бхагавантам̣ пӯджетва̄ саггамоккхасампаттийо ниппха̄детум̣ ват̣т̣атӣ’’ти чинтетва̄ ван̣н̣авантам̣ атӣва раттапуппхаттайам̣ гахетва̄ пӯджеси. та̄ни гантва̄ а̄ка̄сам̣ чха̄детва̄ паттхаритва̄ ат̣т̣хам̣су. нагарава̄сино аччхарийаббхутачиттаджа̄та̄ челуккхепасахасса̄ни паваттайим̣су. там̣ дисва̄ бхагава̄ анумоданам̣ ака̄си. со тена пун̃н̃ена девамануссесу сампаттийо анубхавитва̄ имасмим̣ буддхуппа̄де гахапатикуле ниббатто вуддхиманва̄йа саттхари пасӣдитва̄ дхаммам̣ сутва̄ пат̣иладдхасаддхо паббаджитва̄ начирассева араха̄ ахоси.

48. со аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто падумуттаро на̄ма джинотиа̄дима̄ха. тассаттхо хет̣т̣ха̄ вуттова. саббадхамма̄на па̄рагӯти саббесам̣ навалокуттарадхамма̄нам̣ па̄рам̣ нибба̄нам̣ гато паччаккхам̣ катоти аттхо. данто дантапаривутоти сайам̣ ка̄йава̄ча̄дӣхи данто етадагге т̣хапитехи са̄вакехи паривутоти аттхо. сесам̣ саббаттха самбандхавасена утта̄наттхамева̄ти.

типадумийаттхераапада̄наван̣н̣ана̄ саматта̄.

ат̣т̣хамаваггаван̣н̣ана̄ саматта̄.