4. гандходакийаттхераапада̄наван̣н̣ана̄

падумуттарабуддхасса̄тиа̄дикам̣ а̄йасмато гандходакийаттхерасса апада̄нам̣. айампи пуримамуниваресу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто падумуттарасса бхагавато ка̄ле кулагехе ниббатто париниббуте бхагавати нагарава̄сино бодхипӯджам̣ курума̄не дисва̄ вичиттагхат̣е чанданакаппура̄гаруа̄димиссакасугандходакена пӯретва̄ бодхируккхам̣ абхисин̃чи. тасмим̣ кхан̣е дево маха̄дха̄ра̄хи павасси. тада̄ со асанивегена ка̄лам̣ като. тенева пун̃н̃акаммена девалоке ниббатти, таттхева т̣хито ‘‘ахо буддхо, ахо дхаммо’’тиа̄дига̄тха̄йо абха̄си. евам̣ со девамануссесу сампаттийо анубхавитва̄ саббапарил̣а̄хавиппамутто ниббаттаниббаттат̣т̣ха̄не сӣтибха̄вамупагато сукхито имасмим̣ буддхуппа̄де кулагехе ниббатто вин̃н̃утам̣ патто саттхари пасанно паббаджитва̄ каммат̣т̣ха̄нам̣ а̄рабхитва̄ випассанто начирассева арахаттам̣ па̄пун̣и. пуббе катапун̃н̃ена гандходакийаттхероти па̄кат̣о ахоси.

25. со екадивасам̣ аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто падумутарасса̄тиа̄дима̄ха. там̣ вуттаттхамева. маха̄бодхимахо ахӯти маха̄бодхируккхасса пӯджа̄ ахосӣти аттхо. вичиттам̣ гхат̣ама̄да̄йа̄ти анекехи читтакаммасуван̣н̣акаммехи вичиттам̣ собхама̄нам̣ гандходакапун̣н̣ам̣ гхат̣ам̣ гахетва̄ти аттхо. гандходакамада̄саханти гандходакам̣ ада̄сим̣, ахам̣ гандходакена абхисин̃чинти аттхо.

26. нха̄нака̄ле ча бодхийа̄ти бодхийа̄ пӯджа̄каран̣асамайети аттхо. сесам̣ утта̄наттхамева̄ти.

гандходакийаттхераапада̄наван̣н̣ана̄ саматта̄.