1. бха̄гинеййупа̄литтхераапада̄наван̣н̣ана̄

кхӣн̣а̄савасахассехӣтиа̄дикам̣ а̄йасмато упа̄литтхерасса бха̄гинеййупа̄литтхерасса апада̄нам̣. есо хи тхеро пуримабуддхесу ката̄дхика̄ро тасмим̣ тасмим̣ бхаве пун̃н̃а̄ни упачинанто падумуттарасса бхагавато ка̄ле екасмим̣ куле ниббатто вуддхиманва̄йа гхара̄ва̄се а̄дӣнавам̣ дисва̄ гехам̣ паха̄йа исипаббаджджам̣ паббаджитва̄ пан̃ча̄бхин̃н̃а̄ат̣т̣хасама̄паттила̄бхӣ хутва̄ химаванте ва̄сам̣ каппеси. тасмим̣ самайе падумуттаро бхагава̄ вивекака̄мо химавантам̣ па̄виси. та̄пасо бхагавантам̣ пун̣н̣ачандамива вирочама̄нам̣ дӯратова дисва̄ пасаннама̄насо аджиначаммам̣ ам̣се катва̄ ан̃джалим̣ паггайха вандитва̄ т̣хитакова дасанакхасамодха̄нан̃джалим̣ сираси патит̣т̣хапетва̄ анека̄хи упама̄хи анекехи тхутивачанехи бхагавантам̣ тхомеси. там̣ сутва̄ бхагава̄ – ‘‘айам̣ та̄пасо ана̄гате готамасса на̄ма бхагавато са̄сане паббаджитва̄ винайе тикхин̣апан̃н̃а̄нам̣ агго бхависсатӣ’’ти бйа̄каран̣амада̄си. со йа̄вата̄йукам̣ т̣хатва̄ апарихӣнаджджха̄но брахмалоке ниббатти. тато чуто девамануссесу сам̣саранто сампаттийо анубхавитва̄ имасмим̣ буддхуппа̄де капилаваттхунагаре упа̄литтхерасса бха̄гинеййо хутва̄ ниббатти. со камена вуддхиппатто ма̄туласса упа̄литтхераса сантике паббаджитва̄ каммат̣т̣ха̄нам̣ гахетва̄ випассанам̣ вад̣д̣хетва̄ начирассева араха̄ ахоси. со аттано а̄чарийасса самӣпе васитатта̄ винайапан̃хе тикхин̣ан̃а̄н̣о ахоси. атха бхагава̄ ‘‘етадаггам̣, бхиккхаве, мама са̄вака̄нам̣ бхиккхӯнам̣ винайапан̃хе тикхин̣апан̃н̃а̄нам̣ бхиккхӯнам̣ йадидам̣ бха̄гинеййупа̄лӣ’’ти там̣ етадаггат̣т̣ха̄не т̣хапеси.

1. со евам̣ етадаггат̣т̣ха̄нам̣ патва̄ аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто кхӣн̣а̄савасахассехӣтиа̄дима̄ха. таттха а̄ самантато йа̄вабхавагга̄ саванти паваттантӣти а̄сава̄. ка̄ма̄сава̄дайо чатта̄ро а̄сава̄, те кхӣн̣а̄ сосита̄ висосита̄ виддхам̣сита̄ йехи тети кхӣн̣а̄сава̄, тейева сахасса̄ кхӣн̣а̄савасахасса̄, техи кхӣн̣а̄савасахассехи. парето паривуто локана̄йако локасса нибба̄напа̄панако вивекам̣ ануйутто пат̣исаллитум̣ екӣбхавитум̣ гаччхатети самбандхо.

2. аджинена ниваттхоханти ахам̣ аджинамигачаммена пат̣иччханно, аджиначаммавасаноти аттхо. тидан̣д̣апаридха̄ракоти кун̣д̣икат̣т̣хапанаттха̄йа тидан̣д̣ам̣ гахетва̄ дха̄рентоти аттхо. бхиккхусан̇гхена парибйӯл̣хам̣ парива̄ритам̣ локана̄йакам̣ аддасанти самбандхо. сесам̣ па̄кат̣амева̄ти.

бха̄гинеййупа̄литтхераапада̄наван̣н̣ана̄ саматта̄.