8. а̄йа̄гада̄йакаттхераапада̄наван̣н̣ана̄

ниббуте локана̄тхамхӣтиа̄дикам̣ а̄йасмато а̄йа̄гада̄йакаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто сикхисса бхагавато париниббутака̄ле екасмим̣ кулагехе ниббатто са̄сане пасанно вад̣д̣хакӣнам̣ мӯлам̣ датва̄ атиманохарам̣ дӣгхам̣ бходжанаса̄лам̣ ка̄ра̄петва̄ бхиккхусан̇гхам̣ нимантетва̄ пан̣ӣтена̄ха̄рена бходжетва̄ маха̄да̄нам̣ датва̄ читтам̣ паса̄деси. со йа̄вата̄йукам̣ пун̃н̃а̄ни катва̄ девамануссесуйева сам̣саранто убхайасампаттим̣ анубхавитва̄ имасмим̣ буддхуппа̄де кулагехе ниббатто пат̣иладдхасаддхо паббаджитва̄ гхат̣енто ва̄йаманто випассанам̣ вад̣д̣хетва̄ на чирассева арахаттам̣ па̄пун̣и. пуббе катапун̃н̃авасена а̄йа̄гаттхероти па̄кат̣о.

94. евам̣ со катапун̃н̃асамбха̄равасена арахаттам̣ патва̄ аттана̄ пуббе катакусалакаммам̣ саритва̄ соманассаджа̄то пуббачарита̄пада̄нам̣ пака̄сенто ниббуте локана̄тхамхӣтиа̄дима̄ха. таттха ниббутети вадатам̣ ‘‘майам̣ буддха̄’’ти ваданта̄нам̣ антаре варе уттаме сикхимхи бхагавати париниббутети аттхо. хат̣т̣хо хат̣т̣хена читтена̄ти саддхата̄йа хат̣т̣хапахат̣т̣хо соманассайуттачиттата̄йа пахат̣т̣хена читтена уттамам̣ тхӯпам̣ сет̣т̣хам̣ четийам̣ авандим̣ пан̣а̄майинти аттхо.

95. вад̣д̣хакӣхи катха̄петва̄ти ‘‘бходжанаса̄ла̄йа пама̄н̣ам̣ киттака’’нти пама̄н̣ам̣ катха̄петва̄ти аттхо. мӯлам̣ датва̄нахам̣ тада̄ти тада̄ тасмим̣ ка̄ле ахам̣ каммакаран̣аттха̄йа тесам̣ вад̣д̣хакӣнам̣ мӯлам̣ датва̄ а̄йа̄гам̣ а̄йатам̣ дӣгхам̣ бходжанаса̄лам̣ ахам̣ сантут̣т̣хо соманассачиттена ка̄рапесахам̣ ка̄ра̄песим̣ аханти аттхо. сесам̣ сувин̃н̃еййамева̄ти.

97. а̄йа̄гасса идам̣ пхаланти бходжанаса̄лада̄насса идам̣ випа̄канти аттхо.

а̄йа̄гада̄йакаттхераапада̄наван̣н̣ана̄ саматта̄.