10. каппаруккхийаттхераапада̄наван̣н̣ана̄

сиддхаттхасса бхагаватотиа̄дикам̣ а̄йасмато каппаруккхийаттхерасса апада̄нам̣ (тхерага̄. ат̣т̣ха. 2.576). айампи пуримабуддхесу ката̄дхика̄ро тесу тесу бхавесу нибба̄на̄дхигамӯпа̄йабхӯта̄ни пун̃н̃а̄ни упачинанто сиддхаттхасса бхагавато ка̄ле вибхавасампанне екасмим̣ куле ниббатто махаддхано маха̄бхого саттхари пасанно саттахи ратанехи вичиттам̣ суван̣н̣амайам̣ каппаруккхам̣ ка̄ретва̄ сиддхаттхасса бхагавато четийасса саммукхе т̣хапетва̄ пӯджеси. со еварӯпам̣ пун̃н̃ам̣ катва̄ йа̄вата̄йукам̣ т̣хатва̄ тато чуто сугатӣсуйева сам̣саранто камена имасмим̣ буддхуппа̄де екасмим̣ кулагехе ниббатто вин̃н̃утам̣ патто гхара̄ва̄сам̣ сан̣т̣хапетва̄ ратанаттайе пасанно дхаммам̣ сутва̄ пат̣иладдхасаддхо саттху а̄ра̄дхетва̄ паббаджито начирассева арахаттам̣ патва̄ пуббе катакусалана̄мена каппаруккхийаттхероти па̄кат̣о ахоси.

108. со евам̣ паттаарахаттапхало аттано пуббакаммам̣ саритва̄ соманассавасена пуббачарита̄пада̄нам̣ пака̄сенто сиддхаттхасса бхагаватотиа̄дима̄ха. тхӯпасет̣т̣хасса саммукха̄ти сет̣т̣хасса уттамасса дха̄тунихитатхӯпасса четийасса саммукхат̣т̣ха̄не вичиттадуссе анекаван̣н̣ехи висамена висадисена читтена манохаре чинапат̣т̣асома̄рапат̣т̣а̄дике дуссе. лагетва̄ олаггетва̄ каппаруккхам̣ т̣хапесим̣ ахам̣ патит̣т̣хапесинти аттхо. сесам̣ утта̄наттхамева̄ти.

каппаруккхийаттхераапада̄наван̣н̣ана̄ саматта̄.

чатуттхаваггаван̣н̣ана̄ саматта̄.