5. аннасам̣са̄вакаттхераапада̄наван̣н̣ана̄

суван̣н̣аван̣н̣ам̣ самбуддхантиа̄дикам̣ а̄йасмато аннасам̣са̄вакаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто сиддхаттхасса бхагавато ка̄ле екасмим̣ кулагехе ниббатто пин̣д̣а̄йа чарантам̣ дваттим̣самаха̄пурисалаккхан̣абйа̄маппабха̄ман̣д̣алопасобхитам̣ бхагавантам̣ дисва̄ пасаннама̄насо бхагавантам̣ нимантетва̄ гехам̣ нетва̄ варааннапа̄нена сантаппетва̄ сампава̄ретва̄ бходжеси. со тенева читтаппаса̄дена тато чуто девалоке ниббаттитва̄ диббасампаттим̣ анубхавитва̄ тато чавитва̄ мануссалоке ниббаттитва̄ мануссасампаттим̣ анубхавитва̄ тато апара̄парам̣ девамануссасампаттийо анубхавитва̄ имасмим̣ буддхуппа̄де екасмим̣ куле ниббатто са̄сане пасӣдитва̄ паббаджитва̄ випассанам̣ вад̣д̣хетва̄ арахаттам̣ па̄пун̣и. со пуббе катапун̃н̃ана̄мавасена аннасам̣са̄вакаттхероти па̄кат̣ана̄мо ахоси.

155-6. со апарабха̄ге аттано пуббакаммам̣ саритва̄ соманассаджа̄то ‘‘евам̣ майа̄ имина̄ пун̃н̃асамбха̄ра̄нубха̄вена паттам̣ арахатта’’нти аттано пуббачарита̄пада̄нам̣ уда̄навасена пака̄сенто суван̣н̣аван̣н̣антиа̄дима̄ха. таттха суван̣н̣асса ван̣н̣о вийа ван̣н̣о йасса бхагавато сойам̣ суван̣н̣аван̣н̣о, там̣ суван̣н̣аван̣н̣ам̣ самбуддхам̣ сиддхаттханти аттхо. гаччхантам̣ антара̄пан̣ети весса̄нам̣ а̄пан̣апантӣнам̣ антаравӣтхийам̣ гаччхама̄нам̣. кан̃чанаггхийасам̣ка̄санти суван̣н̣аторан̣асадисам̣ ба̄ттим̣саваралаккхан̣ам̣ дваттим̣саваралаккхан̣ехи сампаннам̣ локападжджотам̣ сакалалокадӣпабхӯтам̣ аппамеййам̣ пама̄н̣авирахитам̣ анопамам̣ упама̄вирахитам̣ джутиндхарам̣ пабха̄дха̄рам̣ нӣлапӣта̄дичхаббан̣н̣абуддхарам̣сийо дха̄ракам̣ сиддхаттхам̣ дисва̄ парамам̣ уттамам̣ пӣтим̣ алаттхам̣ алабхинти самбандхо. сесам̣ сувин̃н̃еййамева̄ти.

аннасам̣са̄вакаттхераапада̄наван̣н̣ана̄ саматта̄.