9. тикиччхакаттхераапада̄наван̣н̣ана̄

нагаре бандхуматийа̄тиа̄дикам̣ а̄йасмато тикиччхакаттхерасса апада̄нам̣. айампа̄йасма̄ пуримаджинаваресу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто випассисса бхагавато ка̄ле бандхуматӣнагаре веджджакуле ниббатто бахуссуто сусиккхито веджджакамме чхеко бахӯ рогино тикиччханто випассисса бхагавато упат̣т̣ха̄касса асокана̄маттхерасса рогам̣ тикиччхи. со тена пун̃н̃ена девамануссесу апара̄парам̣ сукхам̣ анубхаванто ниббаттаниббаттабхаве арого дӣгха̄йуко суван̣н̣аван̣н̣асарӣро ахоси.

39. со имасмим̣ буддхуппа̄де са̄ваттхийам̣ гахапатикуле ниббатто вуддхиманва̄йа саббасиппесу ниппхаттим̣ патто арого сукхито вибхавасампанно ратанаттайе пасанно саттху дхаммадесанам̣ сутва̄ пат̣иладдхасаддхо гхара̄ва̄сам̣ паха̄йа паббаджитва̄ начирассева араха̄ хутва̄ пуббакаммам̣ саритва̄ соманассаджа̄то пуббачарита̄пада̄нам̣ пака̄сенто нагаре бандхуматийа̄тиа̄дима̄ха. там̣ саббам̣ хет̣т̣ха̄ вуттанайатта̄ утта̄наттхамева̄ти.

тикиччхакаттхераапада̄наван̣н̣ана̄ саматта̄.