10. сан̇гхупат̣т̣ха̄каттхераапада̄наван̣н̣ана̄

вессабхумхи бхагаватӣтиа̄дикам̣ а̄йасмато сан̇гхупат̣т̣ха̄каттхерасса апада̄нам̣. айампи тхеро пуримабуддхесу катакусаласамбха̄ро анекесу бхавесу виват̣т̣ӯпаниссайа̄ни пун̃н̃а̄ни упачинанто вессабхусса бхагавато ка̄ле тасса̄ра̄микасса путто хутва̄ ниббатто вин̃н̃утам̣ патва̄ саддхо пасанно виха̄ресу а̄ра̄микакаммам̣ каронто саккаччам̣ сан̇гхам̣ упат̣т̣ха̄си. со тенева кусалакаммена девамануссесу сам̣саранто убхайасампаттийо анубхавитва̄ имасмим̣ буддхуппа̄де са̄ваттхийам̣ гахапатикуле ниббатто вуддхиппатто вибхавасампанно сукхаппатто па̄кат̣о саттху дхаммадесанам̣ сутва̄ са̄сане пасанно паббаджитва̄ ваттасампанно са̄санам̣ собхайама̄но випассанам̣ вад̣д̣хенто начирассева саха пат̣исамбхида̄хи арахаттам̣ патто чхал̣абхин̃н̃о пуббе катакусалакаммавасена сан̇гхупат̣т̣ха̄каттхероти па̄кат̣о ахоси.

45. со екадивасам̣ ‘‘пуббе майа̄ ким̣ на̄ма каммам̣ катва̄ айам̣ локуттарасампатти ладдха̄’’ти аттано пуббакаммам̣ саритва̄ паччаккхато джа̄нитва̄ соманассаджа̄то пуббачарита̄пада̄нам̣ па̄кат̣ам̣ каронто вессабхумхи бхагаватӣтиа̄дима̄ха. таттха ахоса̄ра̄мико аханти ахам̣ вессабхусса бхагавато са̄сане а̄ра̄мико ахосинти аттхо. сесам̣ хет̣т̣ха̄ вуттанайатта̄ утта̄наттхатта̄ ча сувин̃н̃еййамева̄ти.

сан̇гхупат̣т̣ха̄каттхераапада̄наван̣н̣ана̄ саматта̄.

ат̣т̣ха̄расамаваггаван̣н̣ана̄ саматта̄.