7. екадӣпийаттхераапада̄наван̣н̣ана̄

падумуттарасса мунинотиа̄дикам̣ а̄йасмато екадӣпийаттхерасса апада̄нам̣. айампа̄йасма̄ пуримаджинасет̣т̣хесу катакусаласамбха̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто падумуттарасса бхагавато ка̄ле гахапатикуле ниббатто вуддхиппатто саддхо пасанно бхагавато салаламаха̄бодхимхи екападӣпам̣ пӯджеси, тха̄варам̣ катва̄ ниччамекападӣпапӯджанаттха̄йа телават̣т̣ам̣ пат̣т̣хапеси. со тена пун̃н̃ена девамануссесу сам̣саранто саббаттха джалама̄но пасанначаккхуко убхайасукхаманубхавитва̄ имасмим̣ буддхуппа̄де са̄ваттхийам̣ вибхавасампанне екасмим̣ куле ниббатто вин̃н̃утам̣ патто ратанаттайе пасанно паббаджитва̄ начирассева арахаттам̣ патто дӣпапӯджа̄йа ладдхависеса̄дхигаматта̄ екадӣпийаттхероти па̄кат̣о.

30. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто падумуттарасса мунинотиа̄дима̄ха. там̣ саббам̣ утта̄наттхамева̄ти.

екадӣпийаттхераапада̄наван̣н̣ана̄ саматта̄.