7. йӯтхика̄пуппхийаттхераапада̄наван̣н̣ана̄

чандабха̄га̄надӣтӣретиа̄дикам̣ а̄йасмато йӯтхика̄пуппхийаттхерасса апада̄нам̣. айампи а̄йасма̄ пуримамуниндесу ката̄дхика̄ро анекесу ча джа̄тисатесу виват̣т̣ӯпаниссайа̄ни пун̃н̃а̄ни упачинанто пхуссассева бхагавато ка̄ле суддакуле ниббатто вуддхиппатто чандабха̄га̄йа надийа̄ тӣре кеначидева каран̣ӣйена анусотам̣ чарама̄но пхуссам̣ бхагавантам̣ нха̄йитука̄мам̣ аггиккхандхам̣ вийа джалама̄нам̣ дисва̄ соманассаджа̄то таттха джа̄там̣ йӯтхика̄пуппхам̣ очинитва̄ бхагавантам̣ пӯджеси. бхагава̄ тасса анумоданамака̄си.

33. со таттха тена пун̃н̃акот̣т̣ха̄сена девамануссесу сам̣саранто убхайасампаттийо анубхавитва̄ имасмим̣ буддхуппа̄де кулагехе ниббатто вуддхиппатто бхагавато дхаммадесанам̣ сутва̄ пасаннама̄насо паббаджитва̄ ваттапат̣ипаттийа̄ са̄санам̣ собхенто начирассева араха̄ хутва̄ аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто чандабха̄га̄надӣтӣретиа̄дима̄ха. там̣ саббам̣ утта̄наттхамева̄ти.

йӯтхика̄пуппхийаттхераапада̄наван̣н̣ана̄ саматта̄.