10. пан̃чан̇гулийаттхераапада̄наван̣н̣ана̄

тиссо на̄ма̄си бхагава̄тиа̄дикам̣ а̄йасмато пан̃чан̇гулийаттхерасса апада̄нам̣. айампи пуримабуддхесу ката̄дхика̄ре таттха таттха бхаве виват̣т̣ӯпаниссайа̄ни пун̃н̃а̄ни упачинанто тиссасса бхагавато ка̄ле екасмим̣ куле ниббатто вуддхиманва̄йа гхара̄ва̄сам̣ сан̣т̣хапетва̄ вибхавасампанно саддхо пасанно вӣтхито виха̄рам̣ пат̣ипаннам̣ бхагавантам̣ дисва̄ джа̄тисумана̄дианека̄ни сугандхапуппха̄ни чандана̄дӣни ча вилепана̄ни га̄ха̄петва̄ виха̄рам̣ гато пуппхехи бхагавантам̣ пӯджетва̄ вилепанехи бхагавато сарӣре пан̃чан̇гуликам̣ катва̄ вандитва̄ пакка̄ми.

50. со тена пун̃н̃ена девамануссесу убхайасампаттийо анубхавитва̄ имасмим̣ буддхуппа̄де вибхавасампанне екасмим̣ куле ниббаттитва̄ вуддхиманва̄йа саттху дхаммадесанам̣ сутва̄ пасаннама̄насо паббаджитва̄ випассанам̣ вад̣д̣хетва̄ начирассева араха̄ хутва̄ пуббакаммам̣ саранто паччаккхато н̃атва̄ ‘‘имам̣ на̄ма кусалакаммам̣ катва̄ ӣдисам̣ локуттарасампаттим̣ паттомхӣ’’ти пуббачарита̄пада̄нам̣ пака̄сенто тиссо на̄ма̄си бхагава̄тиа̄дима̄ха. там̣ саббам̣ утта̄наттхамева̄ти.

пан̃чан̇гулийаттхераапада̄наван̣н̣ана̄ саматта̄.

саттарасамаваггаван̣н̣ана̄ саматта̄.