9. пунна̄гапуппхийаттхераапада̄наван̣н̣ана̄

ка̄нанам̣ ванамогайха̄тиа̄дикам̣ а̄йасмато пунна̄гапуппхийаттхерасса апада̄нам̣. айампи пуримаджинаваресу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто пхуссасса бхагавато ка̄ле неса̄дакуле ниббатто маха̄ванам̣ павит̣т̣хо таттха супуппхитапунна̄гапуппхам̣ дисва̄ хетусампаннатта̄ буддха̄рамман̣апӣтивасена бхагавантам̣ саритва̄ там̣ пуппхам̣ саха кан̣н̣ика̄хи очинитва̄ ва̄лука̄хи четийам̣ катва̄ пӯджеси.

46. со тена пун̃н̃ена двенавутикаппе нирантарам̣ девамануссасампаттийойева анубхавитва̄ имасмим̣ буддхуппа̄де са̄ваттхийам̣ вибхавасампанне куле ниббатто вуддхиманва̄йа пуббава̄сана̄балена са̄сане пасанно паббаджитва̄ ва̄йаманто начирассева араха̄ хутва̄ пуббе катакусалам̣ саритва̄ соманассаджа̄то пуббачарита̄пада̄нам̣ пака̄сенто ка̄нанам̣ ванамогайха̄тиа̄дима̄ха. там̣ саббам̣ хет̣т̣ха̄ вуттатта̄ утта̄наттхамева̄ти.

пунна̄гапуппхийаттхераапада̄наван̣н̣ана̄ саматта̄.