7. тин̣асӯлакаттхераапада̄наван̣н̣ана̄

химавантасса̄видӯретиа̄дикам̣ а̄йасмато тин̣асӯлакаттхерасса апада̄нам̣. айампи тхеро пуримаджинаваресу катапун̃н̃асамбха̄ро уппаннуппаннабхаве кусала̄ни упачинанто сикхисса бхагавато ка̄ле кулагехе ниббатто гхара̄ва̄сам̣ сан̣т̣хапетва̄ таттха досам̣ дисва̄ там̣ паха̄йа та̄пасапаббаджджам̣ паббаджитва̄ васанто химавантасамӣпе бхӯтаган̣е на̄ма паббате васантам̣ екатам̣ вивекаманубрӯхантам̣ сикхим̣ самбуддхам̣ дисва̄ пасаннама̄насо тин̣асӯлапуппхам̣ гахетва̄ па̄дамӯле пӯджеси. буддхопи тасса анумоданам̣ ака̄си.

35. со тена пун̃н̃ена девамануссесу сам̣саранто убхайасампаттийо анубхавитва̄ имасмим̣ буддхуппа̄де са̄ваттхийам̣ вибхавасампанне екасмим̣ куле ниббатто вуддхиманва̄йа са̄сане пасанно паббаджитва̄ упаниссайасампаннатта̄ начирассева арахаттам̣ па̄пун̣итва̄ пуббакаммам̣ саритва̄ соманассаппатто пуббачарита̄пада̄нам̣ пака̄сенто химавантасса̄видӯретиа̄дима̄ха. бхӯтаган̣о на̄ма паббатоти бхӯтаган̣а̄нам̣ девайаккхасамӯха̄нам̣ а̄ва̄сабхӯтатта̄ бхаванасадисатта̄ авирӯл̣хабха̄вена паваттатта̄ ча бхӯтаган̣о на̄ма паббато, тасмим̣ еко адутийо джино джитама̄ро буддхо васате диббабрахмаарийаирийа̄патхавиха̄рехи вихаратӣти аттхо.

36. екӯнасатасахассам̣, каппам̣ на винипа̄тикоти тена тин̣асӯлапуппхапӯджа̄каран̣апхалена нирантарам̣ екӯнасатасахассакаппа̄нам̣ авинипа̄тако чатура̄па̄йавинимутто саггасампаттибхавамева упапанноти аттхо. сесам̣ сувин̃н̃еййамева̄ти.

тин̣асӯлакаттхераапада̄наван̣н̣ана̄ саматта̄.