3. вӣтхисаммаджджакаттхераапада̄наван̣н̣ана̄

удентам̣ сатарам̣сим̣ ва̄тиа̄дикам̣ а̄йасмато вӣтхисаммаджджакаттхерасса апада̄нам̣. айампи пуримабуддхесу ката̄дхика̄ро анекесу джа̄тисатесу катапун̃н̃асан̃чайо сикхисса бхагавато ка̄ле кулагехе ниббатто гхара̄ва̄сам̣ васанто нагарава̄сӣхи саддхим̣ вӣтхим̣ саджджетва̄ нӣйама̄нам̣ бхагавантам̣ дисва̄ пасаннама̄насо вӣтхим̣ самам̣ катва̄ дхаджам̣ таттха усса̄песи.

15. со тенева пун̃н̃ена девамануссесу сам̣саранто убхайасампаттийо анубхавитва̄ имасмим̣ буддхуппа̄де екасмим̣ куле ниббатто вин̃н̃утам̣ патва̄ саттху дхаммадесанам̣ сутва̄ пат̣иладдхасаддхо бахума̄нахадайо паббаджитва̄ ладдхӯпасампадо начирассева араха̄ хутва̄ аттано пуббакаммам̣ ануссаранто паччаккхато джа̄нитва̄ пуббачарита̄пада̄нам̣ пака̄сенто удентам̣ сатарам̣сим̣ ва̄тиа̄дима̄ха. таттха удентам̣ уггаччхантам̣ сатарам̣сим̣ сатапабхам̣. сатарам̣сӣти десана̄сӣсаматтам̣, анекасатасахассапабхам̣ сӯрийам̣ ива̄ти аттхо. пӣтарам̣сим̣ва бха̄н̣уманти пӣтарам̣сим̣ сам̣кучитапабхам̣ бха̄н̣умам̣ пабха̄вантам̣ чандаман̣д̣алам̣ ива самбуддхам̣ дисва̄ти аттхо. сесам̣ сувин̃н̃еййамева̄ти.

вӣтхисаммаджджакаттхераапада̄наван̣н̣ана̄ саматта̄.