4. какка̄рупуппхапӯджакаттхераапада̄наван̣н̣ана̄

девапутто ахам̣ сантотиа̄дикам̣ а̄йасмато какка̄рупуппхапӯджакаттхерасса апада̄нам̣. айампи пуримабуддхесу ката̄дхика̄ро таттха таттха бхаве катапун̃н̃асан̃чайо сикхисса бхагавато ка̄ле бхуммат̣т̣хакадевапутто хутва̄ ниббатто сикхим̣ самма̄самбуддхам̣ дисва̄ диббакакка̄рупуппхам̣ гахетва̄ пӯджеси.

21. со тена пун̃н̃ена девамануссесу сам̣саранто екатим̣сакаппаббхантаре убхайасукхам̣ анубхавитва̄ имасмим̣ буддхуппа̄де са̄ваттхийам̣ кулагехе ниббатто вуддхиманва̄йа саттхари пасанно паббаджитва̄ начирассева араха̄ хутва̄ аттано пуббакаммам̣ паччаккхато н̃атва̄ соманассаджа̄то пуббачарита̄пада̄нам̣ пака̄сенто девапутто ахам̣ сантотиа̄дима̄ха. таттха диббанти кӣл̣анти пан̃чахи диббехи ка̄магун̣ехӣти дева̄, дева̄нам̣ путто, дево ева ва̄ путто девапутто, ахам̣ девапутто санто виджджама̄но диббам̣ какка̄рупуппхам̣ паггайха пака̄рена, гахетва̄ сикхисса бхагавато абхиропайим̣ пӯджесинти аттхо. сесам̣ утта̄наттхамева̄ти.

какка̄рупуппхапӯджакаттхераапада̄наван̣н̣ана̄ саматта̄.