5. рахосан̃н̃акаттхераапада̄наван̣н̣ана̄

химавантасса̄видӯретиа̄дикам̣ а̄йасмато рахосан̃н̃акаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто екасмим̣ буддхасун̃н̃ака̄ле маджджхимадесе бра̄хман̣акуле ниббатто вуддхиманва̄йа сакасиппесу ниппхаттим̣ патва̄ таттха са̄рам̣ апассанто кевалам̣ ударам̣ пӯретва̄ кодхамадама̄на̄дайо акусалейева дисва̄ гхара̄ва̄сам̣ паха̄йа химавантам̣ пависитва̄ исипаббаджджам̣ паббаджитва̄ анеката̄пасасатапарива̄ро васабхапаббатасамӣпе ассамам̣ ма̄петва̄ тӣн̣и вассасахасса̄ни химавантейева васама̄но ‘‘ахам̣ еттака̄нам̣ сисса̄нам̣ а̄чарийоти саммато гарут̣т̣ха̄нийо гарука̄таббо ванданӣйо, а̄чарийо ме наттхӣ’’ти доманассаппатто те саббе сиссе саннипа̄тетва̄ буддха̄нам̣ абха̄ве нибба̄на̄дхигама̄бха̄вам̣ пака̄сетва̄ сайам̣ екако рахо вивекат̣т̣ха̄нева нисинно буддхасса саммукха̄ нисинно вийа буддхасан̃н̃ам̣ манаси каритва̄ буддха̄рамман̣ам̣ пӣтим̣ уппа̄детва̄ са̄ла̄йам̣ паллан̇кам̣ а̄бхуджитва̄ нисинно ка̄лам̣ катва̄ брахмалоке ниббатти.

34. со таттха джха̄насукхена чирам̣ васитва̄ имасмим̣ буддхуппа̄де кулагехе ниббатто ка̄месу аналлӣно саттавассико паббаджитва̄ кхураггейева арахаттам̣ патва̄ чхал̣абхин̃н̃о хутва̄ пуббенива̄сан̃а̄н̣ена аттано пуббакаммам̣ саритва̄ сан̃джа̄тасоманассо пуббачарита̄пада̄нам̣ пака̄сенто химавантасса̄видӯретиа̄дима̄ха. васабхо на̄ма паббатоти химавантапаббатам̣ вина̄ сесапаббата̄нам̣ уччатарабха̄вена сет̣т̣хатарабха̄вена васабхоти сан̇кхам̣ гато паббатоти аттхо. сесам̣ саббаттха утта̄наттхамева̄ти.

рахосан̃н̃акаттхераапада̄наван̣н̣ана̄ саматта̄.