6. чампакапуппхийаттхераапада̄наван̣н̣ана̄

кан̣ика̄рам̣ва джотантантиа̄дикам̣ а̄йасмато чампакапуппхийаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто вессабхусса бхагавато ка̄ле бра̄хман̣акуле ниббатто вуддхиппатто сакасиппесу ниппхаттим̣ патва̄ таттха са̄рам̣ апассанто гхара̄ва̄сам̣ паха̄йа та̄пасапаббаджджам̣ паббаджитва̄ ванантаре васанто вессабхум̣ бхагавантам̣ уддисса сиссехи а̄нӣтехи чампакапуппхехи пӯджеси. бхагава̄ анумоданам̣ ака̄си. со тенева кусалена девамануссесу сам̣саранто убхайасампаттийо анубхавитва̄ имасмим̣ буддхуппа̄де кулагехе ниббатто вин̃н̃утам̣ па̄пун̣итва̄ пуббава̄сана̄балена гхара̄ва̄се аналлӣно паббаджитва̄ начирассева араха̄ ахоси.

41. со апарабха̄ге аттано пуббапун̃н̃акаммам̣ саритва̄ соманассаджа̄то пуббачарита̄пада̄нам̣ пака̄сенто кан̣ика̄рам̣ва джотантантиа̄дима̄ха. таттха кан̣ика̄ранти сакалапаттапала̄са̄ни парибхаджджа па̄тетва̄ пуппхагахан̣асамайе кан̣н̣ика̄баддхо хутва̄ пуппхамакул̣а̄нам̣ гахан̣ато кан̣н̣ика̄ка̄рена пакатоти кан̣ика̄ро, ‘‘кан̣н̣ика̄ро’’ти ваттаббе нируттинайена екасса пубба н̣а-ка̄расса лопам̣ катва̄ ‘‘кан̣ика̄ра’’нти вуттанти дат̣т̣хаббам̣. там̣ пуппхитам̣ кан̣ика̄раруккхам̣ ива джотантам̣ буддхам̣ аддасанти аттхо. сесам̣ утта̄наттхамева̄ти.

чампакапуппхийаттхераапада̄наван̣н̣ана̄ саматта̄.